Први официјални фотографии: Golf 6 GTI

Кон крајот на минатата година, поточно во ноември Volkswagen го
претстави концептот кој ја најави GTI верзијата на новата генерација
Golf, а сега пристигнаа и првите официјални фотографии.

Уште
на прв поглед е сосема јасно, како и што се очекуваше, дека серискиот
модел минимално ќе се разликува од најавената студија. Со други
зборови, стајлингот остана поприлично сличен на оној од претходната
генерација GTI, која досега е продаден во над 1,7 милиони примероци.
Слични резултати се очекуваат и од овој модел.

Секако
GTI се темели врз незначително унапредената платформа на стандардниот
модел. Како доказ дека целокупната шеста генерација Golf е само еден
повисок степен од еволуцијата на претходникот е фактот што новиот GTI
ќе го движи стариот 2,0-литарскиот турбо мотор со 210 KS.

Новата
генерација доби само 10 KS повеќе од претходниот модел. Максималниот
вртлив момент е зголемен на 280 Nm, кој сега е достапен веќе од 1800
вртежи во минута. Максималната брзина е ограничена на 238 километри на
час, а според податоците од VW од нула до 100 забрзува за само 7,2
секунди. Истовремено потрошувачката ќе се движи околу 7,5 литра на 100
километри.

За разлика од останатите произведувачи кои значително
ја зголемуваат силата на своите компактни возила, VW наводно се одлучил
за подобрување на возните карактеристики на автомобилот.