Сопствениците на Сити полудеа

Манчестер Сити е многу блиску до потписот на Кака откако пребогатите арапски сопственици на овој клуб ја кренаа својата понуда и објавија дека се подготвени неверојатно 243 милиони фунти за фудбалерот на Милан и на бразилската репрезентација. Од овие пари, по 108 милиони фунти ќе одат на сметка на Милан и Кака, а другите 27 милиони треба да ги поделат големиот број менаџери и посредници кои учествуваа во преговорите.

Арапскиот весник "Arabianbusiness" денеска објави дека договорот меѓу Манчестер Сити и Кака, всушност, е веќе потпишан и дека идната недела треба да се изврши промоцијата на фудбалерот во новиот клуб, но истиот весник пред два дена соопшти и дека Сити се откажал од преговорите, така што информациите на овој извор не мора да се прифаќаат како точни.

Сепак, дека нешто има во целиот случај се плашат сите во Милан. Прво Милан на Кака и менаџерот им дозволи да преговараат со Манчестер Сити, потоа вкупната понуда порасна, а на крајот Карло Анчелоти призна дека е свесен за можното заминување на Кака и наводно веќе се помирил со тој факт. Според ригорозните правила на ФИФА, играч под договор, како што е сега Кака, не може да преговара со друг клуб без директна дозвола од сегашниот. Милан преку агентот Диого Кочо му дал дозвола на Кака.

“Мојата желба е да го тренирам Кака уште многу години, но мораме да видиме како тој реагира на оваа понуда. Тоа е нешто што клубот ќе мора да го реши со играчот. Нашите цели остануваат исти и со и без Кака“, мирно изјави Анчелоти.

И раководството на Милан првпат денеска призна дека понудата од Манчестер е предобра за да биде одбиена, но се уште не ништо конкретно одлучено.

“Клупското водство не ја отфрлува можноста за заминување на Кака. Фараонската понуда од Манчестер Сити е на разгледување. Пред нас е долг процес на одлука кој може да трае уште неколку часови и денови“, изјави еден од директорит на клубот Мауро Сума за клупскиот телевизиски канал.


Кака во последните денови контактирал и со раководството на Манчестер Сити и наводно дал неколку услови кои треба да бидат исполнети за тој евентуално да се пресели во Англија:

1. Најмалку во следните пет години сопственици на Манчестер Сити да бидат актуелните први луѓе.

2. Во следните две сезони Сити најмалку еднаш да се пласира во Лигата на шампионите

3. Робињо да не биде продаден и во летниот преоден рок да бидат донесени фудбалери со кои Сити ќе атакува на шампионската титула во Премиер-лигата.

абе мислат дека имаат пари и најбољи ќе бидат... мислат дека клубовите толку лесно ќе се откажат од добрите ѕвезди... абе ја мислам дека им е џабе со пари титула не се купува