Многу мислење може да ве направи дебели ( па зарем да не размислуваме?)

by **nikle22** Нед Јан 04, 2009 9:11 pm

Истражувачите потврдија дека стресот што се создава од премногу размислување може да ги натера луѓето да внесуваат повеќе калории. Тимот на истражувачи, предводен од доктор Анџело Тремблеј, ја мереле количината на храна што ја внесувале 14 испитаници откако секој од нив извршил 3 задачи.

Првата задача која требало да ја направат анкетираните била да се опуштат во седечка позиција, втората била да прочитаат и да раскажат текст и третата да направат неколку компјутерски тестови за меморија, концентрација и внимание. По 45 минути колку што имале за да завршат една активност, испитаниците биле повикани да изедат онолку храна колку што мислат дека треба.

Испитаниците спонтано консумирале 203 повеќе калории после читање на текст и 253 повеќе после компјутерските тестови кои барале од нив посебно внимание. Примероците од крвта земени претходно покажале дека после секоја сесија каде што имало повеќе интелектуална работа, дошло до поголема потреба од шеќери, кои претставуваат гориво за да работи мозокот.

Резултатите од студијата се објавени во медицинското списание Psychosomatic Medicine.