Бајадери

by **nikle22** Саб Јан 03, 2009 3:08 pm

Неизоставна во ситните колачиња, бајадерата е реплика на чуениот чоколаден десерт во домашна изведба.
Брзо се припремаат и не постои голема осцилација кога е во прашање оваа двослојна варијанта.Секако не може да се достигне квалитетот на оригиналот од проста причина што во прашање е едноставна варијанта со бисквити.Меѓутоа и ваква е еден вкусен десерт.

Потребни состојци:
400 гр шеќер
125 гр. путер
150 гр.мелени ореви или лечници
140 гр. мелени бисквити
50 гр. чоколадо
8 лажици вода
За прелив:
200 гр.чоколадо
100 мл. масло

Подготовка:
Се вари водата со шеќерот како за слатко.Се додава путерот да се растопи.Со ова се замесува смесата од мелените ореви и мелените бисквити.Смесата се дели на два дела.Во едниот се става чоколадото кое пред тоа сме го растопиле.Се става во калап црниот дел врз него останатиот и се глазира.Од кога ке се стегнат се сечат мали парчиња-бајадери.